Dan dərəcələri üzrə təltifetmə mərasimi keçirilib. Tədbir cüdo üzrə ölkə çempionatının ilk yarış günündə baş tutub.

Azərbaycan cüdosunun inkişafına verdiyi töhfə, göstərdiyi dəstək və fədakarlığa görə Xanlar Məmmədova fəxri V dan dərəcəsi təqdim edilib.

Azərbaycan İdman Akademiyası və Azərbaycan Cüdo Federasiyasının birgə cüdo ixtisasında təhsil alan tələbələrin peşəkar inkişafı ilə əlaqədar birgə əməkdaşlıq fəalliyətlərində aktiv iştirak edən 8 nəfər III kurs tələbəsi isə I dan dərəcəsinə layiq görülüb.

Qeyd edək ki, dan dərəcələri cüdoda qara kəmərdən sonrakı pillələri ifadə edir və idmançının ustalıq səviyyəsini, həmçinin onun bilik və təcrübəsini göstərir.